ESPAÑA NO SÉCULO XIX
1807-04-01 00:00:00
Reinado de Carlos IV
Reina Carlos IV, que está enfrentado co seu fillo Fernando pola coroa de España. España era aliada de Francia (por un acordo entre os franceses e o primeiro ministro Godoy), así que deixou pasar o exército de Napoleón Bonaparte para invadir Portugal, pero... Invaden España!! Isto provoca que os españois se levanten en armas no MOTÍN DE ARANXUEZ. Os amotinados: 1. Destitúen a Godoy, 2. Fan que Carlos IV abdique no seu fillo e 3. Coroan a Fernando VII
1808-01-01 00:00:00
XOSÉ BONAPARTE
Napoleón chama a Baiona (Francia) a Carlos IV e Fernando VII dicíncolles que ía mediar entre eles, pero... obrígalles a entregar o trono ao seu irmán Xosé.
1808-05-02 00:06:19
LEVANTAMENTO DO 2 DE MAIO
Reina Xosé I. O pobo español mosquéase polo traslado da familia real a Francia e pola entrada do exército francés. Por esto prodúcese unha REVOLTA POPULAR que comeza en Madrid o 2 de maio e exténdese despois por toda España. Estes grupos estaban organizados pola Xunta Suprema Central e as Xuntas provinciais e locais de defensa. Comeza a GUERRA DA INDEPENDENCIA que durará ata 1814
1810-02-01 00:00:00
AS CORTES DE CÁDIZ
CÁDIZ (1810), cidade libre do exército francés. Convócanse aquí as CORTES como representación do pobo español. O máis importante foi a elaboración da CONSTITUCIÓN. Aquí comeza a abolición do RÉXIME SEÑORIAL (a perda de privilexios por parte dos nobres), pois a principal fonte de riqueza na primeira metade deste século era a propiedade da terra, en mans dos nobres e con "danos" para o pobo llano.
1812-03-19 00:00:00
A PEPA
O día de San Xosé (19 de marzo de 1812) apróbase a 1ª CONSTITUCIÓN ESPAÑOLA (a Pepa) que non se chegou a aplicar. Os 4 puntos fundamentais dos que trataba eran: 1.- SOBERANÍA NACIONAL (limitaba o poder da monarquía), 2.- DECLARACIÓN DE DEREITOS E LIBERDADES (por exemplo: o dereito a educación), 3.- DIVISIÓN DE PODERES (executivo, lexislativo e xurídico) e 4.- RECOÑECEMENTO DA IGUALDADE de tódolos cidadáns ante a lei.
1814-01-05 00:00:00
FIN DA GUERRA DA INDEPENDENCIA
En 1814 os españois gañan a guerra axudados polos ingleses, pero con CONSECUENCIAS... - morreu o 10% da poboación - moita destrucción - consecuencias morais - consecuencias políticas por diferencias de opinión (o que favorece que se inicie a emancipación das colonias americanas). A todo esto hai que sumarlle que se SUPRIMEN as Cortes de Cádiz e que FERNANDO VII volve reinar.
1814-12-01 00:00:00
SEXENIO ABSOLUTISTA
(1814-1820) Reina Fernando VII outra vez. Reinou de maneira absolutista, o que provocou levantamentos liderados por militares liberais.
1816-01-08 15:52:37
PERDENDO AS COLONIAS
(1816-1824) Vaise perdendo o poder nas colonias por varias razóns: 1.- España está débil pola guerra da Independencia. 2.- As colonias copian o exemplo da independencia dos Estados Unidos. Así, España deixa de ser POTENCIA INTERNACIONAL, pero quedan sen independizarse todavía Cuba e Puerto Rico.
1820-01-08 15:52:37
TRIENIO LIBERAL
(1820-1823) Por mediación do coronel RIEGO os absolutistas aceptan unha MONARQUÍA CONSTITUCIONAL
1823-01-08 15:52:37
DÉCADA OMINOSA
(1823-1833) Co apoio militar da " Santa Alianza" (Austria, Rusia e Prusia) Fernando VII volve ser MONARCA ABSOLUTISTA. Cara o final deste período, iniciouse en España un lento proceso de INDUSTRIALIZACIÓN, moi por debaixo doutros países europeos, e en zonas moi delimitadas (industria textil en Cataluña, e siderurxia no País Vasco). Non se estendía a outras zonas por falta de capital para investir, a inexistencia dun mercado interior, dunha rede de transportes e a escaseza de recursos enerxéticos
1833-01-08 15:52:37
1ª GUERRA CARLISTA
En 1833 morre Fernando VII. Antes fixo anular a LEI SÁLICA, que prohibía gobernar ás mulleres, e de esta maneira a súa filla ISABEL podía reinar. Os liberalistas aceptaron ben isto (os ISABELINOS); pero os absolutistas non (OS CARLISTAS), e proclaman rei ao irmán de Fernando: CARLOS. Coróase a Isabel, pero como era unha nena, queda como REXENTE a súa nai MARÍA CRISTINA DE BORBÓN, que recortou algúns principios constitucionais. Estas disputas entre os dous bandos deron lugar a unha guerra civil, a 1ª guerra carlista (1833-1839), onde gañou o bando isabelino e que se sudería con outras dúas en anos posteriores.. Neste clima, por presións, Mª Cristina nomeou PRESIDENTE DO GOBERNO a Mendizabal. Éste realizou a DESAMORTIZACIÓN dos bens eclesiásticos e comunais, é dicir, pasaron a ser do estado para vendelos en poxa, para realizar unha REFORMA AGRARIA e modernizar a agricultura. Pero só puideron acceder á compra os nobres e os burgueses adiñeirados. Os campesiños foron contratados como xornaleiros en condicións durísimas. Neste século, polos cambios políticos e económicos, a sociedade estamental foi substituída pola SOCIEDADE DE CLASES. Agora pertencíase a unha clase ou a outra polas riquezas e non polo nacemento. Nesta nova sociedade destacaron A BURGUESÍA ( persoas adiñeiradas propietarias das fábricas, minas, bancos,... ) e clase obreira ou O PROLETARIADO ( ofrecían o seu traballo a cambio dun salario moi baixo. O salario das mulleres e nenos todavía era inferior )
1840-01-08 15:52:37
RENUNCIA DE Mª CRISTINA
En 1840 Mª Cristina renuncia pola presión popular e queda como NOVO REXENTE o popular xeneral Espartero
1843-01-08 15:52:37
REINADO DE ISABEL
(1843-1868). Raíña, Isabel II. No poder altérnanse liberais PROGRESISTAS e liberais MODERADOS. Clima social axitado e inestable. 3 etapas
1843-12-08 15:52:37
1ª etapa: DÉCADA MODERADA
(1843-1854). Nova CONSTITUCIÓN en 1845 na que a Coroa comparte soberanía coas Cortes. Tamén se limitaron algunhas libertades
1854-01-08 15:52:37
2ª etapa: BIENIO PROGRESISTA
(1854-1856) Comprometeuse a realizar unha REFORMA ECONÓMICA e o desenvolvemento da rede do ferrocarril.
1856-01-08 15:52:37
3ª etapa: FIN DO REINADO
(1856-1868). Marcada pola política e o crecemento económico. Reinstaurouse a constitución de 1845 pero con represión xeneralizada á oposición.
1868-01-08 15:52:37
O SEXENIO DEMOCRÁTICO
Raíña: Isabel II. A corrupción e o malestar social desembocan na REVOLUCIÓN de 1868 que destronou a raíña. Intentáronse varias solucións para solucionar a crise política: 1.- aprobación dun GOBERNO PROVISIONAL do xeneral Serrano e a aprobación da CONSTITUCIÓN de 1869. 2.- A MONARQUÍA DE AMADEO I. (1871-1873). As Cortes nomearon rei ao principe italiano Amadeo de Saboia, que abdicou tras un breve reinado. 3.- A PRIMEIRA REPÚBLICA (1873-1874). Rematou cun golpe de estado que reinstaurou a monarquía con ALFONSO XII, fillo de Isabel
1875-01-08 15:52:37
A RESTAURACIÓN
Rei: Alfonso XII. Durante o seu reinado (1875-1885) houbo estabilidade no goberno, e o rei NON interviña en asuntos políticos. Esta volta á monarquía deu paso a un novo sistema político en que 2 partidos (o Conservador e o Liberal) se alternaron no goberno durante máis de 40 anos. Á morte de Alfonso XII, co seu fillo Alfonso XIII menor de idade, asumiu a rexencia do estado a súa esposa Mª Cristina de Habsburgo (1885-1902).
1876-01-08 15:52:37
MOVEMENTOS SOCIAIS
Nesta época os obreiros toman conciencia da conveniencia de unirse para facer fronte as dificiles condicións de vida e de traballo, e crean COOPERATIVAS (para comprar os alimentos máis baratos) e SINDICATOS (para loitar polas melloras no traballo), seguindo o movemento que se estaba dando en toda Europa. Os sindicatos vinculáronse a Asociación Internacional de Traballadores (AIT), o que contribuíu a difundir as ideas marxistas e anarquistas no movemento obreiro español. As características destas dúas correntes son: 1.- O ANARQUISMO rexeitaba o estado e era partidario da revolución social mediante a loita sindical e os actos violentos. 2.- O MARXISMO por contra defendeu a participación política dos obreiros mediante organizacións como o Partido Socialista Obreiro Español (PSOE), fundado por Pablo Iglesias en 1879.
1898-01-08 15:52:37
PERDA DAS ÚLTIMAS COLONIAS
Dende 1868 había movementos independentistas en Cuba, apoiados por Estados Unidos (por intereses comerciais). En 1898 a rebelión converteuse nunha guerra entre España e os Estados Unidos, onde España caeu derrotada e perdeu as colonias que lle quedaban: Cuba, Filipinas e Puerto Rico. Isto tivo consecuencias: 1.- ECONÓMICAS, porque España entra nunha nova fase de crise. 2.- POLÍTICAS, porque aumenta a desconfianza cara o réxime da RESTAURACIÓN e 3.- CULTURAIS, porque orixinou unha perda de identidade e a demanda dunha renovación profunda da sociedade española.
1898-12-01 00:00:00
CORRENTES ARTÍSTICAS DO S. XIX
1.- ROMANTICISMO. Movemento innovador que trata de plasmar o emotivo e irracional, con temas fantásticos e lendarios; pero tamén históricos e costumistas. Exemplo en pintura sería Federico Madrazo e en literatura Rosalía de Castro ou Gustavo Adolfo Bécquer. 2.- REALISMO. Destaca polo coidado do detalle e a observación minuciosa da realidade. Exemplos e pintura é Mariano Fortuny e en literatura Emilia Pardo Bazán e Benito Pérez Galdós. 3.- IMPRESIONISMO. Co protagonismo do tratamento da luz e a pincelada solta. Exemplo, Joaquín Sorolla. 4.- MODERNISMO. Búscase a innovación e a utilización de novas técnicas. Exemplos: en pintura Ramón Casas e en arquitectura Gaudí.