Cineclubes de Galicia
Liña temporal dos Feitos cinemotagráficos máis relevantes acontecidos en Galicia, así como os Cineclubes constítuidos no noso país
Realizado pola «Feciga», (abreviatura da ;xSTx;b;xETx;Federación de Cineclubes de Galicia;xSTx;/b;xETx;)
1954-06-13 00:00:00
Cineclube Pontevedra
O 13 de xuño de 1954 comezaron as actividades culturais, do Cineclube Pontevedra, coa primeira sesión cinematográfica, que consistiu na proxección dos documentais «France 4»: «Saisons», «Van Gogh», «Versailles et ses fantômes» e «Balzac», todos eles cedidos pola Embaixada de Francia. O domicilio social estableceuse, daquela, nas oficinas da Delegación Provincial de Información e Turismo de Pontevedra, cedidas polo Delegado Provincial, Álvarez Villar. A autorización definitiva data do 18 de agosto de 1954. O 17 de outubro de 1955 produciuse o primeiro cambio na xunta directiva. A partir de aí, Juan Manuel Lezcano y Castedo pasou a ser o impulsor do Cineclube Pontevedra, ben como secretario ou como presidente, ata os anos 80, cando o substituíron xeracións máis novas. Nestes máis de 50 anos, o Cineclube Pontevedra mantivo a súa actividade ininterrompidamente a pesar dos avatares e cambios ocorridos nas preferencias do público, nos cinéfilos e nos medios audiovisuais. Entre as múltiples actividades desenvolvidas de forma regular están o Ciclo Cine de Actualidade, o Ciclo Historia do Cine, o Ciclo de Cine dedicado á Muller, as Noites Abertas, o Ciclo de Cine Galego, o Ciclo «Discapacidade no Cine», as sesións de Cine na Rúa e a Semana de Cine Infantil. Ademais das actividades culturais regulares para socios, tamén realiza cursos temáticos e asesora centros culturais e do ensino que queren facer ciclos. En 2004, o Cineclube recibiu o Premio Especial José Sellier á Traxectoria Empresarial ou Institucional, concedido pola Academia Galega do Audiovisual.
1961-11-05 00:00:00
Cineclube do SEU de Santiago
O 5 de novembro de 1961 constítuese o Cineclube do SEU de Santiago (ainda que mudou varias veces de nome) da man de Ezequiel Méndez Vidal; a súa primeira proxección foi «O alcalde, o escribano e o seu abrigo» (1952) de Alberto Lattuada. Chegou a contar cun millar de socios/as sendo o máis importante daquela no estado español. Desapareceu en 1975.
1966-02-18 18:57:52
Cineclube Valle-Inclán
Constítuese o 18 de febreiro de 1966 o cineclube Valle-Inclán.
1969-03-09 09:16:44
Cineclube Carballiño
Nace O cineclube Carballiño co obxectivo inicial de promover a cultura cinematográfica na comarca do Arenteiro.
1970-10-30 00:00:00
Cineclube Padre Feijoo
A principios do curso 1970-71 naceu, como actividade cultural dentro da Escola de Maxisterio de Ourense, o cineclube Padre Feijoo, herdeiro da tradición cineclubista da cidade que durante os sesenta foi representada polos cineclubes Ourense (1961), Miño —ata 1964— e Alianza Francesa (AFO) —ata 1971—.
1976-05-10 00:00:00
Cineclube Ádega
Fundase o Cineclube Ádega. Da súa importancia fala o feito de ter sido en Vilagarcía onde se fundou a Federación de Cineclubes de Galicia no ano 1984.
1977-04-25 00:00:00
Cineclube Cangas
Comezan as actividades cinematográficas do Cineclube Cangas.
1980-01-15 00:00:00
Cineclube Groucho Marx
O Cineclube Groucho Marx principia a súa andaina a principios deste ano.
1982-05-17 00:00:00
Cineclube Carlos Varela Veiga
Crease en Compostela o cineclube Carlos Varela Veiga, na memoria do cineasta galego (e presidente do cineclube Valle-Inclán); Ramiro Ledo (fundador do Cineclube Compostela) recolleu parte das súas gravacións e dirixiu CCCV Cineclube Carlos Varela (2005). A entidade se mantería en activo ata o ano 1987
1989-05-10 00:00:00
Cineclube Barbanza
No ano 1989, e como reacción a carencia de cine na vila de Boiro, naceu o Cineclube Barbanza. A súa programación articulouse en torno a películas en versión orixinal e títulos con certa sona pero escollidos con criterios de calidade. Proxectaban unha película cada quince días.
1992-05-11 00:00:00
Cineclube O Castelo
Nace o Cineclube O Castelo. As primeiras proxeccións fixéronse en formato 16mm na Casa da Cultura, cedida polo Concello de Allariz. A partires de outubro de 1992 comezou a proxectar en formato 35mm. As proxeccións levábanse a cabo cada quince días, os venres, coa paréntese de descanso de xuño a outubro.
1993-04-14 00:00:00
Cineclube Lumière
Crease o Cineclube Lumière por un grupo de persoas de diferentes profesións co fin de incorporar á cidade outra canle cultural, inexistente ata ese momento, e outro xeito de ver o cinema. O nacemento do Lumière supuxo recuperar para a cidade olívica unha actividade que non tiña continuidade dende o ano 1982, data na que desaparecera o último dos cineclubes vigueses dos anos setenta.
1994-10-20 00:00:00
Cineclube Claqueta
En Redondela principia a súa andaina o cinceclube Claqueta, para contrarrestar a carencia dunha sala de cinema na comarca. Nos primeiros anos, as proxeccións realizábanse en formato 16mm, máis a limitada oferta de películas neste formato e o mal estado de moitas das fitas foron determinantes para que a partir do ano 1996 as proxeccións do cineclube pasasen a se realizar en 35mm. A posibilidade de utilizar o proxector da «Feciga» foi determinante na mudanza de formato. Desde a súa creación, o cineclube contou co apoio do Concello de Redondela, que cedía a sala de proxeccións (Multiusos da Xunqueira) e subvencionaba parte da súa programación. O ano 2000 supuxo un pulo na actividade do cineclube, cunha programación estable, de media, un par de películas ao mes.
1996-07-01 00:00:00
Cineclube Os Papeiros
O cinceclube Os Papeiros organiza —entre outras actividades—, a «I Semana de Cinema de Chantada» (cine ao ar libre en 35mm).
1996-09-02 00:00:00
Cineclube «La Unión»
En Sarria, xurdiu a idea de crear o cineclube «La Unión» no seo da sociedade do mesmo nome, como motor da actividade cultural e recreativa sarriana.
1997-05-02 00:00:00
Cineclube Alexandre Cribeiro
No mes de maio, en Moaña, creouse o cineclube Alexandre Cribeiro grazas as inquedanzas dun grupo de mozos e mozas da localidade preocupados pola situación de decadencia do cine na comarca do Morrazo. Naquel ano pechaba a única sala de cine de Cangas, e penúltima da comarca, seguindo o desastre cinematográfico que levou a deixar a vilas tan importantes como Marín e Bueu sen proxeccións. En Moaña houbo que soportar a destrución do Cine Prado e o peche temporal do Cine Veiga. Tendo xa o grupo humano organizado, e contando coa colaboración do propio Cine Veiga, fíxose a presentación e a primeira proxección, que contou coa participación do escritor Bernardino Graña. A proxección —coa entrada de balde— foi do filme «Cinema Paradiso» (1988), de Giuseppe Tornatore. Iniciou as proxeccións en 35mm, mais a mediados de 1998 viuse na obriga de cambiar ao formato 16mm, por mor da morte do propietario do Cine Veiga e a fin da actividade da sala. Para poder seguir cunha actividade regular, solicitaron ao Concello o uso do Centro Cultural Daniel Castelao, e mercaron un proxector de 16mm, o que lles permitiu poder continuar coas proxeccións, aínda que con menor calidade. En xullo de 2000 organizaron a «I Semana de Cine» baixo o título de «Clásicos do Cine Mudo»; ademáis doutras actividades, como unha conferencia a cargo do profesor Xosé Nogueira, sobre «A historia do feito cinematográfico en Galicia».
1997-07-01 00:00:00
Cineclube A Calexa
Neste ano, reúnense en Monforte de Lemos un grupo heteroxéneo de persoas na Casa da Cultura, a convocatoria é para constituir o cineclube A Calexa.
1998-09-09 00:00:00
Cineclube Poleiro
O cineclube Poleiro foi creado en setembro de 1998. Comezou coa finalidade de servir como xerme de promoción cultural dentro da comarca do Baixo Miño, e propoñer nela puntos de encontro cultural, nuns momentos en que só o Cine Avenida da Guarda tiña unha programación estable durante as fins de semana.
2001-03-10 00:00:00
Cineclube Compostela
Coa primaveira, un grupo de mozos/as universitarios/as, estudantes da Facultade de Ciencias da Comunicación, fundan o cineclube Compostela. A inquedanza dun grupo de afeccionados ao cinema bota a andar o proxecto do clube de Cine Cinematógrafo de Salceda de Caselas. Tiña como fins a promoción e a difusión da cultura cinematográfica, o que era importante nunha vila sen sala comercial; o achegamento do cine á sociedade dun xeito crítico e educativo, editando un pequeno folleto informativo referente á proxección que se realizaba; e o potenciamento do interese polo estudo e o goce do cine, aproximándoo ás xeracións máis novas. A sala de proxección, o proxector, o equipo de son e a pantalla eran achegados polo concello de Salceda de Caselas e o Colexio Público Altamira. Por problemas de equipamento, no ano 2005 tiveron que deixar a súa actividade.
2002-01-15 00:00:00
Cineclube Universitario Kinema
Co obxectivo primeiro de ofrecer á comunidade universitaria de Vigo en primeiro termo, e por extensión ao resto da sociedade, O Cineclube Universitario Kinema principiou a súa andaina como asociación dedicada á promoción da cultura cinematográfica; unha canle de achegamento á cultura cinematográfica nas súas distintas facetas e modos de expresión. No ano 2003, as actividades iniciadas no ano anterior acadaron maior difusión na sociedade, cun crecemento nas cifras de asistencia ás proxeccións e as mostras de interese e apoio recibido. O Cineclube contaba co apoio do concello de Vigo e da Universidade de Vigo a través do Vicerreitoría de Extensión Universitaria.