Kíktu á myndir, myndbönd og fréttir tengdum aðildarviðræðunum. ;xNLx;;xNLx;[Allar nánari upplýsingar er að finna á heimasíðu aðildarviðræðnanna viðræður.is](http://www.vidraedur.is/)
Össur Skarphéðinsson, utanríkisráðherra, leggur fram þingsályktunartillögu á Alþingi um að Ísland sæki um aðild að Evrópusambandinu.
Alþingi samþykkir að að fela ríkisstjórn Íslands að leggja inn umsókn um aðild að ESB.
Litháíska þingið samþykkti í dag samhljóða yfirlýsingu þar sem lýst er yfir fullum stuðningi við aðildarumsókn Íslands að Evrópusambandinu og önnur aðildarríki ESB hvött til að gera slíkt hið sama.
Utanríkisráðherra afhendir Carl Bildt umsókn Íslands um aðild að ESB.
Ráðherraráð Evrópusambandsins, sem í eiga sæti utanríkisráðherrar aðildarríkja sambandsins, samþykkir einróma að vísa umsókn Íslands til framkvæmdastjórnar ESB.
Spurningalisti framkvæmdastjórnar Evrópusambandsins berst til Íslands en hann innihélt rúmar 2500 spurningar til íslenskra stjórnvalda.
Íslensk stjórnvöld skila inn svörum við spurningalista framkvæmdastjórnar Evrópusambandsins sem er hluti af samræmdu umsóknarferli að ESB. Á grundvelli svara íslenskra stjórnvalda mun framkvæmdastjórnin gefa leiðtogaráði ESB álit sitt á hæfni Íslands til að gerast aðili að Evrópusambandinu.
Utanríkisráðherra felur Stefáni Hauki Jóhannessyni sendiherra að vera aðalsamningamaður Íslands í fyrirhuguðum aðildarviðræðum Íslands og Evrópusambandsins. Stefán Haukur er einn reyndasti samningamaður Íslands á alþjóðavettvangi. Hann hefur verið sendiherra Íslands gagnvart Evrópusambandinu í Brussel frá árinu 2005.
Utanríkisráðherra skipar samninganefnd Íslands vegna fyrirhugaðra aðildarviðræðna við Evrópusambandið. Í samninganefndinni sitja, auk aðalsamningmanns, formenn tíu samningahópa og sjö aðrir nefndarmenn.
Samninganefnd Íslands vegna fyrirhugaðra aðildarviðræðna við Evrópusambandið hélt sinn fyrsta fund í Þjóðmenningarhúsinu í dag. Össur Skarphéðinsson utanríkisráðherra ávarpaði nefndina í upphafi fundar og vísaði til álits meirihluta utanríkismálanefndar Alþingis um verklag, áherslur og hagsmuni Íslands í fyrirhuguðum aðildarviðræðum.
Össur Skarphéðinsson, utanríkisráðherra, skipar samningahópana tíu sem starfa munu með samninganefnd Íslands vegna fyrirhugaðra aðildarviðræðna við Evrópusambandið. Í hópunum eiga sæti fulltrúar ráðuneyta og stofnana, hagsmunaaðila, félagasamtaka og háskólasamfélagsins.
Framkvæmdastjórn Evrópusambandsins (ESB) gaf í dag út álit um aðildarumsókn Íslands að ESB.
Þýska sambandsþingið samþykkir að styðja aðildarviðræður Evrópusambandsins við Íslands með yfirgnæfandi meirihluta.
Leiðtogaráð Evrópusambandsins samþykkir að hefja viðræður við Ísland um aðild að sambandinu. Ákvörðunin kemur í framhaldi af jákvæðri niðurstöðu framkvæmdastjórnar ESB í áliti hennar um aðildarumsókn Íslands frá því í lok febrúar á þessu ári.
Össur Skarphéðinsson utanríkisráðherra flutti í dag inngangsræðu á ríkjaráðstefnu Íslands og Evrópusambandsins sem markaði upphaf aðildarviðræðna Íslands við ESB.
Þingmenn Evrópuþingsins lýsa yfir stuðningi við þá ákvörðun Evrópusambandsins að hefja aðildarviðræður við Ísland í ályktun sem samþykkt var á þinginu í dag. Þingmaðurinn Christian Dan Preda lagði fram ályktunina en hann kom til Íslands til að kynna sér stöðu mála og undirbúning Íslendingar í maí sl.
Framkvæmdastjórn ESB birti í dag skýrslu um framvindu samningaviðræðna Íslands og Evrópusambandsins um aðild að ESB.
Rýnivinna Íslands og Evrópusambandsins hefst með rýnifundum íslenskra sérfræðinga og sérfræðinga framkvæmdastjórnar Evrópusambandsins til undirbúnings samningaviðræðum um aðild Íslands að ESB.
Við rýnivinnunna hafa sérfræðingar frá Íslandi og Evrópusambandinu borið saman löggjöf í þeim 33 efnisköflum sem aðildarviðræðurnar munu snúast um.
Tekin var ákvörðun um að hefja viðræður í fyrstu fjórum köflum aðildarviðræðna Íslands og var samningsafstaða Íslands í köflunum lögð fram.
Össur Skarphéðinsson, utanríkisráðherra, skipaði í dag formann og varaformenn samráðshóps í tengslum við samningaviðræður við Evrópusambandið.
Á ríkjaráðstefnunni voru viðræður um 5 kafla opnaðar, en fjórum þeirra lokið samdægurs.
Össur Skarphéðinsson utanríkisráðherra fundar með starfsbræðrum í Rúmeníu.
Steingrímur J. Sigfússon fundar með fulltrúum úr framkvæmdastjórn Evrópusambandsins.
Í opinberri heimsókn Össurar Skarphéðinssonar utanríkisráðherra til Kýpur hét Erato Kozakou-Marcoullis utanríkisráðherra Kýpur öflugum stuðningi við umsókn Íslendinga í formennskutíð landsins í Evrópusambandinu. Kýpur tekur við formennskunni af Dönum í júní.
Efnahags- og viðskiptaráðuneytið hefur sent framkvæmdastjórn Evrópusambandsins skýrslu um íslensk efnahagsmál (Pre-Accession Economic Programme).
Samráðshópur í tengslum við samningaviðræður um aðild Íslands að Evrópusambandinu hélt sinn fyrsta fund í utanríkisráðuneytinu föstudaginn 24. febrúar.
Nicolai Wammen, Evrópumálaráðherra Danmerkur, ítrekaði í heimsókn sinni til Íslands stuðning Dana við aðildarumsókn Íslands.
Utanríkisráðherra fundaði með kollega sínum frá Frakklandi þar sem þeir ræddu m.a. um stöðuna í aðildarviðræðum Íslands við Evrópusambandið og gjaldmiðilsmál.
Evrópuþingið samþykkti í dag ályktun sem snýr að samþykkt þingsins á skýrslu framkvæmdastjórnar Evrópusambandsins um framvindu samningaviðræðna Íslands og ESB um aðild að sambandinu. Þar með lýkur allri umræðu um framvinduskýrsluna.
Samningsafstaða Íslands í sjö köflum samningaviðræðna Íslands og Evrópusambandsins hefur verið birt á heimasíðu viðræðnanna esb.utn.is.
Samningaviðræður hófust um fjóra samningskafla í aðildarviðræðum Íslands og Evrópusambandsins á ríkjaráðstefnu í Brussel. Viðræðum lauk samdægurs um tvo þeirra þ.e. um utanríkis-, öryggis- og varnarmál, og um neytendamál og heilsuvernd. Frekari viðræður verða um hina samningskaflana en þeir fjalla um samkeppnismál og orkumál.
Grein aðalsamningamanns, Stefáns Hauks Jóhannessonar, og beggja varaformanna samninganefndar Íslands, Bjargar Thorarensen og Þorsteins Gunnarssonar, um gang aðildarviðræðnanna er birt í Fréttablaðinu.
Sameiginlega þingmannanefnd Alþingis og Evrópuþingsins fundaði í Reykjavík í dag. Össur Skarphéðinsson, utanríkisráðherra, ávarpaði fundinn og fór m.a. yfir stöðuna í aðildarviðræðum Íslands og ESB.
Utaníkisráðherra lagði í dag árlega skýrslu sína um utanríkis- og alþjóðamál fyrir Alþingi. Evrópumálin eiga þar sinn sess, bæði aðildarviðræðurnar við Evrópusambandið sem og EES-samstarfið.
Samningsafstaða Íslands fyrir kafla 1 um frjálsa vöruflutninga og fyrir kafla 14 um flutningastarfsemi var birt í dag á vef aðildarviðræðnanna, viðræður.is.
Tímasett aðgerðaáætlun um hvernig undirbúningi á sviði byggða- og sveitarstjórnarmála verður háttað komi til aðildar Íslands að Evrópusambandinu hefur verið afhent framkvæmdastjórn og aðildarríkjum ESB.
Stefan Füle, framkvæmdastjóri stækkunarmála Evrópusambandins, hóf heimsókn til Íslands í dag. Füle fundaði með utanríkisráðherra, sjávarútvegs- og landbúnaðarráðherra og samráðshópi áður en hann hélt í ferð um Suðurland. Þar var Hellisheiðarvirkjun heimsótt sem og Hveragerði og Árborg. Í lok dags mun Füle funda með forsætisráðherra. Á morgun mun hann hitta forseta Alþingis og fulltrúum úr utanríkismálanefnd.
Opnunarviðmið sem sett var fyrir samningskaflann um byggðamál í aðildarviðræðum Íslands og Evrópusambandsins hefur verið uppfyllt af hálfu íslenskra stjórnvalda.
Samningsafstaða Íslands varðandi fjármálaþjónustu annars vegar og dóms- og innanríkismál hins vegar í samningaviðræðum Íslands og ESB hefur verið birt á heimasíðunni viðræður.is
Þrír kaflar voru opnaðir í viðræðum við Evrópusambandið um aðild Íslands á sérstakri ríkjaráðstefnu í Brussel.
Tímasett aðgerðaáætlun um hvernig undirbúningi á sviði landbúnaðar- og dreifbýlisþróunar verður háttað komi til aðildar Íslands að Evrópusambandinu hefur verið afhent framkvæmdastjórn og aðildarríkjum ESB.
Samningsafstaða Íslands varðandi tollabandalag annars vegar og utanríkistengsl hins vegar í samningaviðræðum Íslands og ESB hefur verið birt á heimasíðunni viðræður.is
Samningsafstaða Íslands í aðildarviðræðum Íslands og ESB varðandi 17. kafla um efnahags- og peningamál hefur verið birt á viðræður.is.
Samningsafstaða Íslands varðandi byggðastefnu Evrópusambandsins í samningaviðræðum Íslands og ESB hefur verið birt á viðræður.is.
Samningsafstaða Íslands varðandi umhverfismál í samningaviðræðum Íslands og ESB hefur verið birt á viðræður.is.
Samningsafstaða Íslands varðandi skattamál í aðildarviðræðum Íslands og ESB hefur verið birt á viðræður.is.
Framkvæmdastjórn Evrópusambandsins birti í dag skýrslu um framvindu samningaviðræðna Íslands og ESB um aðild að sambandinu. Skýrslan er jákvæð um Ísland og kemur fram að aðild Íslands komi báðum til góða.
Opnunarviðmið sem sett var fyrir samningakaflanum um landbúnaðarmál í aðildarviðræðum Íslands og Evrópusambandsins hefur verið uppfyllt af hálfu íslenskra stjórnvalda.
Íslenskum stjórnvöldum hefur borist staðfesting frá formennskuríki Evrópusambandsins, Kýpur, þess efnis að sambandið sé reiðubúið til að hefja viðræður um samningskafla 3 um staðfesturétt og þjónustufrelsi og kafla 4 um frjálsa fjármagnsflutninga.
We'd love to hear from you. Please send questions or feedback to the below email addresses.
Before contacting us, you may wish to visit our FAQs page which has lots of useful info on Tiki-Toki.
We can be contacted by email at: hello@tiki-toki.com.
You can also follow us on twitter at twitter.com/tiki_toki.
If you are having any problems with Tiki-Toki, please contact us as at: help@tiki-toki.com
Close